Kreu dhe deputeti i Aleancës Kosova e Re (AKR), Behgjet Pacolli, ka reaguar ndaj deklaratës skandaloze të eurodeputetes franceze Dominique Bilde, e cila ka shprehur hapur qëndrimin e saj kundër liberalizimit të vizave për Kosovën.

Pacolli përmes një postimi në Facebook shkruan se i vjen keq për eurodeputeten, shkruan arbresh.info.

“Duket qartë se lufta e dytë botërore dhe procesi i Nurembergut nuk morën me vete idetë dhe realitetet ksenofobike dhe nacional-socialiste. Me vjen keq për eurodeputeten franceze të mijëvjeçarit të tretë!”, shkruan Pacolli.

Ndryshe. eurodeputetja franceze, Dominique Bilde, ka kundërshtuar liberalizimin e vizave për kosovarët.

Ajo shkon aq larg sa e quan çmenduri dhe se refuzojnë zgjerimin e Bashkimit Evropian në Kosovë.

“Kosova ishte në program këtë javë në Parlamentin Evropian në Francë. Ne refuzojmë zgjerimin e BE-së me këtë vend. Ne gjithashtu kundërshtojmë lëshimin e vizave për shumë shtetas të tyre! Është koha për të ndaluar këtë çmenduri. Grupi i Identitetit dhe Demokracisë – Francë thotë JO”, ka shkruar ajo në Twitter./arbresh.info/

LEXO EDHE

Von Cramon i reagon eurodeputetes franceze: Shumica e Parlamentit Evropian e mbështet Kosovën, e cila ka përmbushur të gjitha kriteret për liberalizimin e vizave – Arbresh.info